Asociación Cultural de Cine Catarsis

2009-04-10T14:42:00.003+02:00

¿Cómo estamos?

Facemos unha breve entrada para comunicar que o traballo coa curtometraxe Para Siempre está rematado e pronto faremos a presentación nun local en Vigo e posteriormente será colgado na rede.

Unha vez máis gracias a todos os que prestates a vosa colaboración e desculpade polos retrasos, mais nos está resultando ben complicado xuntar a todo o personal e conseguir organizarnos

Saudos!

Voando

2009-03-25T22:18:00.003+01:00

¿Qué tal?

Grazas ao compa Iago Vázquez da Asociación Xuvenil para o Estudo da Natureza temos o pracer de compatir con vos o seu novedoso documental "Volando. A lomos de halcones" o cal nos permite ver o mundo a auténtica vista de paxaro.

Tras un ano de traballo e incorporando as novas tecnoloxías de miniaturización de cámaras de video, podemos viaxar ás costas dun falcón, ver cómo defende o seu territorio, cómo persigue a súa presa , cómo caza... en resumo, cómo é a súa vida no seu estado natural, ¡voando!

Para máis información podedes visitar:

axena.org
blogueiros.axena.org

Zombie Weekend

2009-03-01T15:05:00.003+01:00

¿Cómo vai iso camaradas?

Temos o pracer de vos anunciar que Catarsis voltamos á carga cun novo proxecto de grabación, trátase desta volta dunha curtametraxe homenaxe ao xénero Zombie.

A grabación levarase a cabo en Ferrol durante 3 días (venres, sábado e domingo), as datas anunciarémolas próximamente xa que estamos ultimando detalles para poder contar cun equipo tanto técnico como personal o máis profesional posible.

O equipo actoral estará formado por 6 personaxes principais, 2 personaxes secundarios e un grupo de extras. Polo de agora temos confirmada a presencia de María del Pilar Carrillo, Beatriz Serén e Jorge Gallardo Rodríguez.

Ao fronte do equipo de caracterización/maquillaxe, unha das "cabecillas" deste proxecto xunto ao noso Alberto Sánchez, está Cristina Esteiro Leira.

Estos días vos iremos facilitando máis información en torno a Zombie Weekend, para calquera dúbida ou colaboración podedes poñervos en contacto vía mail

Saudos e estade atentos a novas actualizacións!

Tí curtas na rede...

2009-02-13T20:26:00.006+01:00

...con este nome deron a coñecer a nova e IV edición do concurso Curtas na Rede.

Para os que teñades pensado presentar algún traballo, estes deberán ter unha duración inferior a 5 minutos, así mesmo é de obriga realizalos durante o 2009 tendo como praza límite de entrega o 29 de outubro.

Nesta ocasión engádese unha nova categoría de premios, o premio ao mellor montaxe, sumando deste xeito un total de ata 26 disciplinas premiadas. Os traballos serán encadrados nas categorías de: Ficción, Documental, Experimental e Animación.

A través da propia páxina web do concurso poderanse xestionar e facer un seguimento completo dos traballos durante o seu proceso de realización. A parte do formato dixital será preciso enviar os traballos en formato físico (DVD) para a posterior publicación dunha memoria de todos eles en alta calidade.
Así que xa sabedes, a exprimir os miolos que tempo hai e de sobras!

Formas, Texturas e Suciedade

2009-01-30T17:18:00.003+01:00

A partires de mañá sábado, día 31 de Xaneiro, ate o 28 de Febreiro no Café UF (VIGO) poderedes ver a exposición fotográfica Disfrutando formas, textura y algo de suciedad do noso ben ponderado compañeiro Javi Hernández.

Podedes botar unha ollada ao seu traballo no Flickr

Saudos!

Vai un frío do carallo

2009-01-10T15:20:00.001+01:00

¿Qué tal? Estamos de volta nun novo ano, no que agardamos entrar con moita máis enerxía e involucrarnos máis de cheo nos proxectos que xiran en torno á nosa asociación, así mesmo coa xente que presta a súa colaboración desinteresadamente. Polo tanto, a medida que vaian saíndo datas no calendario vos iremos informando de diferentes actos...

Para comezar facemonos eco dunha noticia, creo, ben interesante para todos:

O Ministerio de Cultura, a través do Instituto de Cinematografía e Artes Audiovisuais (ICAA), abre tres liñas de axuda para o sector audiovisual:

Axudas á distribución de películas comunitarias (BOE do 5 de xaneiro), conservación de negativos e soportes orixinais (BOE do 6 de xaneiro) e produción de curtametraxes (BOE do 7 de xaneiro), son as tres liñas de axudas que acaba de convocar o Ministerio de Cultura. En total destinaranse seis millóns de euros a estes conceptos con cargo ao Fondo de Protección á Cinematografía.
O prazo de presentación de solicitudes nas tres liñas de axudas xa está aberto...

E como actividade cultural recomendada, o Grupo de Axitación Social e Asociación Caleidoskopio organizan, a exhibición de dous filmes("A Fala do Cacique", e "Mamanguá. De onde você é.") sobre os Guarani Mbyá, un dos derradeiros pobos indíxenas nómadas da Mata Atlántica, documentais que dan voz aos pobos indíxenas do Brasil.

Ao finalizar o pase dos filmes abrirase un debate cos seus autores: Marcia Gomes de Oliveira e Norbert Suchanek, ambos levan traballando cos pobos indíxenas do brasil e colaborando con ONGs dende finais dos anos 80.

A cita é este sábado, día 10 de Xaneiro, a partires das 20.30 no CSA A Cova dos Ratos (R/ Romil 3, Baixo).

Pronto teredes novas sobre unha posible premiere de "Para siempre", ata outra. Saude!

Unha cola e uns flocos de millo señoritaaa!

2008-12-21T15:21:00.007+01:00

A Axencia Audiovisual Galega ven de estrear un novo portal na rede, Flocos.TV, para a difusión dos traballos no eido audiovisual da nosa terra. A temática divídese entre Ficción, Animación, Documental e Experimental. O formato do portal é semellante a Vimeo, videos en panorámico e cunha resolución e compresión (permiten colgar traballos en calidade HD) bastante superiores ás que ofrece o xa archicoñecido e explotado Youtube. Cada obra vai acompañada por unha ficha técnica con toda a información necesaria como a sinopse argumental, equipo técnico, etc.

Unha proposta bastante interesante neste tempos que corren para promocionar e compartir os traballos de novos e antigos creadores que, coma nós, non dispoñen de medios suficientes como para costearse unha "campaña publicitaria"...

Así pois, deixamos un enlace permanente a este novo portal na sección de enlaces de interese!

Camorra

2008-12-07T17:30:00.011+01:00

A cinta italiana Gomorra ven de proclamarse a gran triunfadora dos Premios do Cine Europeo despois de recibir o galardón de mellor película do ano 2008.

O seu realizador, Matteo Garrone, levouse o premio ao mellor director así como o de mellor guión. A cousa non quedou ahí xa que o seu protagonista, Toni Servillo, era premiado como mellor actor principal. Así mesmo, Marco Onorato, recibiu o galardón especial Carlo di Palma á mellor dirección de fotografía.

Este drama sobre a mafia napolitana estivo rodeado de polémica dende antes da súa estrea xa que o seu escritor, Roberto Saviano, tivo que vivir baixo protección policial durante dous anos debido ás ameazas de morte por parte da camorra.

Os premios da Academia do Cine Europeo fundáronse en 1988 como alternativa aos Oscar de Hollywood (Los Ángeles, EEUU) e para difundir o cine no vello continente. O seu actual presidente é o director e guionista alemán Wim Wenders (El amigo americano, París Texas, Cielo sobre Berlín,...).

----------------------------------------------------------------------------------

Por outra banda, a asociación está realizando uns tráilers para participar na primeira edición do festival Teaserland. Como última hora: ¡¡¡ A organización de dito festival acaba de ampliar a data de recepción de traballos ata o día 28 de febreiro de 2009 !!!

Tamén retomamos o traballo coa curtametraxe Para Siempre despois dun pequeno parón por non dispoñer de tempo nas últimas datas. Agardamos rematalo o antes posible e dende aquí pedimos desculpas aos que estades agardando impacientemente por ver os resultados.

Saudos!!!

Máis Certames

2008-11-17T15:33:00.007+01:00

Dende o pasado 4 de Novembro até o próximo 3 de Decembro a cidade compostelá convértese na capital do cinema indepentente nesta vixésimo segunda edición do Cineuropa. Durante este mes proxéctanse en Santiago un total de 250 filmes, entre curtametraxes e longametraxes, do mellor panorama cinematográfico internacional.

Aquí tedes o programa oficial, onde están organizadas as proxecións día a día!

Alternativas

2008-11-05T11:22:00.006+01:00

Co motivo da posta en marcha das I Xornadas Antisgae, hoxe mércores día 5 no C.S. A Cova dos Ratos (Rúa Romil, Vigo) ao redor das 22.00, proxéctase o documental creative commons "Copyright 2.0" realizado por Daniel Muños e Ruth Ponce, aquí podedes ver o tráiler.

¿Qué facer hoxe?

2008-10-25T14:18:00.005+02:00

1. A partires das 18.30 o V certame Secuencia Cero no Museo Verbum ten programada a proxeción de 13 traballos entre curtas, documentais e videocreacións. Ao final desta última xornada e despois dunha actuación de maxia entregaránse os trofeos castaña aos mellores proxectos.

2. Noite de despedida no Manteca Jazz. Tras 5 anos de programación ininterrumpida a mítica sala de jazz pecha as súas portas ao público debido a problemas na infraestructura do edificio que o alberga. Esperan voltar á actividade en poucos meses, esta vez nun novo local na conocida zona de churruca... Así pois, dende as 00.30, última velada cunha gran jam session!

Secuencia Cero

2008-10-23T17:16:00.006+02:00

Hoxe, día 23 de Outrubro da comezo o V Certame SecuenciaCero, no que se poderán ver curtametraxes e documentais feitos na actualidade no noso país. Ademáis dos videos haberá maxia, videoinstalacións, danza e moito máis, todo isto terá lugar na Casa das Palabras, o Museo Verbum.

Lembrade, os días 23, 24 e 25 de Outubro en Vigo.

Stanley (Fucking) Kubrick

2008-10-18T15:49:00.013+02:00

Tras resultar elixido como o mellor creador de ficción na enquisa da semana pasada, rendímoslle o noso particular homexane a este mestre do sétimo arte ¡DEP!

Nado no Bronx, na cidade de Nueva York o 26 de xullo de 1928 no seno dunha familia puidente e de orixe europea, dende temprana idade amosa unha gran paixón polo jazz, o xadrez e a fotografía. Un dos seus soños era chegar a ser batería nun grupo de jazz e chegou a xogar ao xadrez por cartos nos clubes de Marshal e Manhattan así como en parques públicos onde se organizaban partidas.

Pese a súa patente intelixencia, nunca foi recoñecido por ser un grande estudiante.

Cando o seu pai lle regalou unha cámara fotográfica comezou a sorprenderse ao descubrir os segredos do encadre. Máis animado, participou de xeito activo no periódico escolar, o Taft Review e consiguiu vender algunhas das súas fotografías á revista Look, para a que remataría traballando máis adiante.

As súas pésimas notas e a preferencia dos veteráns da Segunda Guerra Mundial non lle permitiron acceder á universidade tras graduarse na escola secundaria en 1946.

Traballando xa como fotógrafo para a revista Look, chegou a conseguir un gran prestixio e a ser dos mellor remunerados. Unha das súas fotos, na que retratou a un vendedor de periódicos entristecido pola morte do presidente Roosevelt e rodeado dos diarios que anunciaban o suceso, foi portada e concedeulle fama mundial en abril de 1945.

Continuou como fotógrafo durante varios anos e viaxou por toda América. Aqueles viaxes potenciaron o seu afán de coñecemento e acabou asistindo de oínte á Universidade de Columbia, supervisando as clases que daban Lionel Trilling, Mark Van Doren, e Moses Hadas. Así mesmo non se perdía ningunha película das proxectadas no Museo de Arte Moderno (MOMA). De alí obtivo gran parte das referencias que usou para as súas películas, basándose sobre todo nas malas, das que dicía que él podía facelo mellor. Un dos directores que máis o impresionou polos movementos de cámara e laberínticos decorados foi Max Ophüls, alemán exiliado en Francia.

Unha charla cun antigo compañeiro de clase que traballaba para o noticiario The Mach of Time axudou a encarrilar a Stanley cara o mundo do cine. Comentoulle que unha curtametraxe sairía por uns 40.000 dólares. Kubrick sen embargo estimou que podía facelo por 1.500 si se encargaba de todos os procesos técnicos e púxose mans á obra.

En 1951 roda a súa primeira curta, Days of the Fight, que narra a vida dun boxeador no transcorrer dun día. O coste final foi de 3.900 dólares, pero conseguiu que a RKO llo mercase por 4.000, deste xeito logrou que se exhibise públicamente, feito que o encheu de satisfación. Seguidamente roda outra curta co título de Flying Padre. Cos cartos que ten aforrados, máis un préstamo de dez mil dólares roda un filme independente, Fear and Desire (1953), no que segue asinando todos os apartados técnicos: director de fotografía, montaxe, guión, produción e realización. Do mesmo xeito realiza El beso del asesino (1955), unha película de tema policíaco. Posteriormente chega a renegar desta etapa, sendo moi difícil poder ver hoxe en día calquera destes filmes.

O seu seguinte traballo foi unha incursión no cine negro, adaptando unha novela de Lionel White, Clean Break que contou coa produción da United Artist e coñecemos co nome de Atraco perfecto (1956). Este acadou atraer as miradas de Hollywood polo seu peculiar xeito de tratar un xénero tan traballado. A historia recurría a varios flash back para contar o atraco a un hipódromo.

En 1957 dirixiu a Kirk Douglas en Senderos de gloria, un duro alegato pacifista. O actor impúxose un altísimo salario, un tercio do presuposto total, o que obrigou a que a película fose rodada en Alemania para abaratar costes. Esta película ensinou a Kubrick as vantaxes de rodar lonxe de Hollywood. A parte negativa deste proxecto foron os problemas de censura en países como España, Francia ou Bélgica.

Un dos grandes erros do director, do cal se lamentaría no futuro, foi volver a dirixir a Douglas, esta vez en Espartaco (1960). O actor era á vez productor e pediulle a Kubrick que rodase a película como favor personal tras despedir a Anthony Mann, quen iniciara o proxecto con anterioridade. Kubrick tampouco estaba dacordo co enfoque que Dalton Trumbo lle dera ao guión, consideraba o argumento pobre e non lle gustaba o aspecto de superprodución dos grandes estudios que tiña a película. Para colmo rematou tendo problemas coa censura: Trumbo estaba nas listas negras da censura americana e Douglas houbo de camuflalo cun pseudónimo, e escenas como a protagonizada por Tony Curtis e Laurence Oliver tiveron que eliminalas da montaxe final.

Pese a todo a película gozou dun gran éxito.

Nembargantes Kubrick, desencantado con Hollywood, decide marchar a Gran Bretaña, onde se establece definitivamente e fará todas as súas restantes películas, ainda que empregando capital americano. Unha das razóns polas que se coñece que marchou foi o odio ás grandes aglomeracións de xente de Los Ángeles. Sen embargo continuou a ser un gran consumidor de cultura americana. Incluso nos seus últimos anos algunhas das súas series favoritas seguían a ser americanas: Seinfield, Roseanne, Los Simpson. Así foi que para a súa seguinte película elixiu a unha xove que vira na televisión americana, Sue Lyon, no Show de Loretta Young.

A primeira película británica de Kubrick foi moi especial: Lolita (1962). Trátase dunha adaptación da famosa novela de Vladimir Nabokov, de alto contido erótico. Conseguiu rodala en Gran Bretaña gracias a que a Metro Goldwyn Mayer tiña uns fondos inmobilizados neste país e ademáis así acadaron diminuir a presión dos sectores máis conservadores dos Estados Unidos. Foi coidadosamente montada para pasar a censura, pero ainda así tivo problemas coa chamada Lexión Católica da Decencia entre outros…

Teléfono Rojo: ¿Volamos hacia Moscú?(1964) foi un gran risco para Kubrick, posto que o tema nuclear nunca fora tratado con anterioridade en clave de humor. Rodouse nos estudios Shepperton, en Inglaterra debido a problemas legais de Peter Sellers a causa do seu divorcio, e sen sabelo cimentou o futuro lugar de traballo do director naquel país.

Por aquela época Kubrick comezaba xa a ser catalogado de xenio e obtivo excelentes críticas por parte de crítica e público, gracias ao cal conseguiu moita máis liberdade financieira e artística para embarcarse en calquer proxecto desexado. Así entrou en contacto co escritor de ciencia-fición Arthur C. Clarke, ao que lle propuxo adaptar unha historia corta súa, titulada El Centinela.

Traballando conxuntamente escribiron á vez o guión para a película a novela. Así naceu 2001: Una odisea del espacio (1968) que se convirteu en obxeto de culto e punto de inflexión para o xénero da ciencia-fición. O escritor, retirado a Sri Lanka acabou cansado do talento extravagante do director e non estivo dacordo co resultado final do filme. Documentouse para recrear un futuro verosímil contactando coa NASA e cos fabricantes informáticos e tecnolóxicos máis importantes. Entre eles IBM, que o asesorou para a creación dun ordenador que controlara toda unha nave, o xa mítico HAL9000. O fabricante informático acabou por desvincularse do proxecto porque un ordenador que fose o malo da película podía supoñer unha publicidade negativa, por isto Kubrick bautizou a súa máquina “retrocedendo” no abecedario unha letra e IBM convertiuse en HAL.

A súa siguinte obra foi moi controvertida, debido a súa violencia e contido sexual. Unha vez máis trátase da adaptación duhna novela: La naranja mecánica(1971). Empregou as últimas tendencias en música, con novedosos sintetizadores, así como en arte e arquitectura, con obras de arte moderno e o chamado pop art.

En 1975, Barry Lyndon(1975), protagonizada por Ryan O'Neal e Marisa Berenson foi a súa incursión no cine de época. Inspirouse en cadros do século XVIII para a súa ambientación e dispuxo da última tecnología existente no ámbito da fotografía para conseguir dar á película o realismo desexado, empregando un carísimo obxetivo da NASA que lle permitiu prescindir de iluminación artificial na práctica totalidade da rodaxe.

As súas obras íanse espaciando cada vez máis e ata cinco anos despois non estrenou a súa seguinte película, El resplandor (1980) unha historia de terror, protagonizada moi convincentemente por Jack Nicholson. Desta película Kubrick permitiu realizar un documental, dirixido pola súa propia filla. É un dato bastante curioso xa que chegou a despedir a xente por sacar fotos no set de rodaxe. Traballou desta vez cun operador de cámara chamado Garrett Brown e o seu novedoso invento, a Steadycam, a agora coñecidísima cámara superestable que daquela estaba ainda sen patentar.

Sete anos houbemos de esperar para ver a súa seguinte obra, La chaqueta metálica(1987), na que se critica a anulación da personalidade dos soldados no exército e o absurdo da guerra. Foi rodada en Inglaterra, a donde levaron multitude de elementos de todas as partes do mundo, incluíndo palmeiras españolas.

Eyes Wide Shut(1999), foi a súa obra póstuma, un estudio sobre a parella e o sexo, protagonizada por Nicole Kidman e Tom Cruise, unidos sentimentalmente por entón e bos amigos do director, quen os explotou ata extremos inverosímiles, como facelos rodar dúcias de veces unha misma escena ou chamalos meses despois de acabar a rodaxe para repetir tomas.

Morreu o 7 de marzo de 1999 en Hertforshire, Inglaterra, coa su última película rematada de rodar e prácticamente tamén de montar.

Para Kubrick o tempo nunca tivo prioridade. A súa corta filmografía delátao. O importante era facer as cousas ben, custase o que custase.

Tivo esa extraña capacidade dos xenios de exprimir ata a última gota de enerxía, de ser inflexible con todos, consigo mismo o primeiro e sólo se permitiu rendirse á morte cando tivo a súa última e póstuma obra rematada.

Sen embargo antes de morrer deixou un proxecto a medias, Inteligencia Artificial(que retomou Spielberg, pero quen sabe o que houbese feito o xenio con ela), pois levaba anos traballando nel á espera de que os adiantos técnicos lle permitisen rodar.

Saude!

13 FCI Ourense

2008-10-13T17:33:00.003+02:00

O pasado sábado 11 comezou a XIII edición do Festival de Cine Internacional de Ourense que terá lugar ate o vindeiro día 18 deste mes de outubro. Un total de 114 propostas compiten nas distintas áreas de animación, curtametraxes, documentais, longamentraxes e novos media que forman a sección oficial.

Os que teñades interese ou vos podades acercar ate o festival, aquí tedes o programa coa organización de eventos día a día.

Noutra orde, desexarlle toda a sorte a Javi nunha nova andadura por terras madrileñas. ¡ate pronto man!

Aviso a Navegantes

2008-10-10T19:51:00.002+02:00

Mañán ás 12:00 xuntanza para continuar co proceso de montaxe, tratamento de cor da curta Para Siempre e poñer sobre a mesa futuros proxectos e colaboracións...

Pronto vos manteremos ao tanto dun ciclo de proxección de curtas que un grupo de xente está organizando en Vigo, polo de agora non podemos dicir máis.

Saudos!

Plutón BRB Nero

2008-10-08T11:04:00.009+02:00

Supoño que a esas alturas da xogada, certa parte de vós teredes visto/escoitado algo desta nova 'sitcom' de ciencia ficción española chamada Plutón BRB Nero.

A serie está dirixida por Alex de la Iglesia (Acción Mutante, Mirindas Asesinas, El día de la Bestia, La Comunidad,...) e entre o equipo de guionistas conta, entre outros, con xente de La Hora Chanante. Con isto podédesvos facer unha pequena idea do que esas (de)mentes son capaces de crear: Ciborgs, Alieníxenas, Misións de locura noutras galaxias...

A acción transcorre no ano 2530 e narra as aventuras dun grupo de marines durante a búsqueda dun planeta habitable para poder salvar á humanidade, xa que na Terra non hai sitio para máis poboación nin para construir máis vivendas.

Esta búsqueda realízana a bordo da nave Plutón B.R.B. Nero construida nos estaleiros de Badajoz polo armador Nero.

A misión conta có completo apoio de Maculay Culkin III, presidente dos Estados Unidos do Mundo...

Todos os mércores a iso das 23:30 emítese a través de La2 TV, hoxe o terceiro capítulo Un asunto embarazoso... asi que xa sabedes, sintonizando!

Saude!

Mívico 2008

2008-10-06T16:21:00.008+02:00

A curtametraxe 1977, da realizadora ferrolá Peque Varela, foi elexida onte como gañadora da 2ª edición da Mostra Internacional de Vídeo Creación do Condado-Mivico 2008.

A directora galega relata, a través dunha mestura de técnicas de animación en 2D e 3D, a vida dunha rapaza na procura da súa identidade sexual nunha vila pequena e de mente pechada.

Este proxecto foi selecionado con anterioridade para participar no mítico Festival de Sundance.

Próximamente...

2008-10-05T19:33:00.003+02:00

Avante toda!

2008-10-04T17:45:00.010+02:00

Xa estamos outra vez por aquí!

Non hai demasiadas novas, dicirvos que esta tarde comezamos a capturar o material grabado o sábado pasado asi como a preparación do que será o 'tráiler' da curtametraxe, o cal agardamos subir á rede o antes posible.

Enterámonos tamén da IV edición do Greenspace Heineken, concurso de curtrametraxes, no que Catarsis tentaremos colarnos cunha nova proposta de Berto! O prazo de entrega de guións remata o próximo luns 6 de Outubro.

Como proposta cultural para hoxe, recomendámosvos pasar polo local 'Edra' na zona vella de Vigo, onde o conxunto Ecuador17 acturán a iso das 10 da noite, a capella con moito humor para todos os públicos!

Polo de agora outra imaxe tomada na grabación de 'Para Siempre'
Saude!

Para Siempre

2008-10-01T22:10:00.011+02:00

A Asociación Cultural de Cine Catarsis estrenámonos o pasado sábado 27 de setembro coa grabación da curtametraxe 'Para Siempre' escrita por Alberto Sánchez, na que contamos coa participación de Suso Cortegoso e Pilar Carrillo como protagonistas da historia.

En breves esperamos ter algo do material colgado na rede, de momento unha imaxe da curta tomada por Javi Hernández!

Gracias a toda a xente que fixo posible dun xeito ou doutro a realización deste primeiro proxecto, xa que sin eles sería imposible levalo a cabo.